“Halkyň arkadagly zamanasy” ýylynda hormatly Prezidentimiziň sporty ösdürmekde alyp barýan syýasatyndan ugur alyp, ýaşlaryň halka, Watana, hormatly Prezidentimize bolan söýgüsini has-da güýçlendirmek, ýaşlaryň sporta bolan höwesini artdyrmak, sporty halkyň arasynda ösdürmek maksady bilen Tejen etrap we şäher häkimlikleriniň, jemgyýetçilik guramalarynyň hem-de sport we ýaşlar syýasaty bölümleriniň bilelikde gurnamagynda Tejen şäherindäki täze sport mekdebiniň futbol meýdançasynda sportyň kiçi futbol görnüşi boýunça açyk çempionaty geçirildi.

Ýaryşa etrabyň edara-kärhanalarynda zähmet çekýän ýaş oglanlardan düzülen toparlar gatnaşdylar. Ýaryşda toparlaryň arasynda bije atylyp , her toparyň arasynda oýun aýlaw görnüşinde geçirildi.  Çekeleşikli geçen ýaryşda Tejen etrap we şäher sport we ýaşlar syýasaty bölümi tarapyndan bellenen emin agzalar tarapyndan ýeňijiler yglan edildi. Ýaryşda Tejen nebit önümleri kärhanasynyň topary 1-nji orna, Tejen şäher sport we ýaşlar syýasaty bölüminiň topary 2-nji orna, Tejen etrap bilim bölüminiň topary 3-nji orna mynasyp boldular. 

Ýaryşda ýeňiji bolan toparlara hormat hatlary hem-de Tejen etrap we şäher jemgyýetçilik guramalary tarapyndan ýadygärlik sowgatlary dabaraly ýagdaýda gowşuryldy.

Maral  AKYÝEWA,

Türkmenistanyň Kärdeşler arkalaşyklarynyň 
Ahal welaýatynyň Tejen etrap 
birleşmesiniň esasy hünärmeni.