Golaýda, ýurdumyzyň durmuşynda bolup geçýän ösüş-özgertmeleri, saglygy goraýyş we sport ulgamlarynyň üstünliklerini ilat arasynda wagyz-nesihat etmek maksady bilen Kaka etrabyndaky Serdar pamyk egriji fabriginde Türkmenistanyň Magtymguly adyndaky Ýaşlar guramasynyň etrap Geňeşi tarapyndan guralan wagyz-nesihat duşuşygy geçirildi. Duşuşyk «Sagdynlyk — ýörelgämiz» diýlip atlandyryldy.

Duşuşyga ýaş işçi-hünärmenler gatnaşdy. Çykyş edenler türkmen jemgyýetiniň barha sagdynlaşýandygy, saglygy goraýyş ulgamynda, sportda uly üstünlikleriň gazanylýandygy dogrusynda durup geçdiler.