Şanhaý minarasy. Bu beýik we täsin minara  Hytaý döwletiniň Şanhaý şäherindäki Pudun etrabynda ýerleşýär. Şanhaý minarasyny beýikligi 632 metre ýetýär. Bu minaranyň  9 sany biri-birine jebis berkleşen slindr şekilli ymaratlary bar. Onuň daşky şekili 120˚ towlanan ýagdaýynda we onuň slindr şekilli ymaratlary şemalyň güýjüni 24% çenli peseldip bilýär. Minaranyň 14 % bölegi aýnadan ýasalan. Ol özüniň owadanlygy we beýikligi bilen tanalýar. 

Abraž Al-Beýt minarasy. Saud Arabystandaky Mekkede ýerleşýär. Minaranyň beýikligi 601 metr, meýdany 1500000 m². Agramy boýunça dünýä ýüzinde birinji orunda durýar. Depesindäki ýarym aýyň diametri 23 metr, agramy 107 tonna we ol ýer ýüzindäki ähli barlyklaryň içinde iň ulusy hasaplanýar. Bu minaranyň  öň tarapynda ýerleşen her bir bölek minaralarynyň beýikligi ýerden 400 metr belentlikde ýerleşýär. Bu binalar toplumy Al-Haram metjidiniň garşysynda ýerleşýär, howlusy Käbe tarapa seredip dur. Abraž Al-Beýt minarasynyň myhmanhanasy 100 müň orunlyk  zyýaratçyny  ähli zat bilen üpjün etmäge niýetlenen. 

Burž-Halifa. Dünýä boýunça iň beýik minara. Onuň beýikligi 828 metre ýetýär. Bu minara  163 gatdan ybarat. Her gün gijesine Burž-Halifa minarasy janlanýar we her hili öwüşginli şöhle saçýar. Özüniň täsinligi, owadanlygy we beýikligi bilen tanalan bu beýik minara rekordlar kitabyna girizildi. 

Muhammet GARÝAGDYÝEW,

Türkmen oba hojalyk institutynyň talyby.