2024-nji ýylyň oktýabr aýynyň 23-27-si aralygynda Ispaniýanyň Kambrils şäherinde sportyň karate-do görnüşi boýunça dünýä çempionaty geçirildi. 17 döwletden jemi 549 türgeniň Türkmenistandan bolsa 10 sany türgenleriň gatnaşymagynda geçirilen bu halkara bäsleşikde Türkmenistanly türgenler üç sany (bir sany kümüş, iki sany bürünç) medala eýe boldular.

Türgenlerimiz Nurgeldi Annagurbanow we Selim Meretduryýew jübüt tutuluşykda kümüş medaly eýeläp, aýratynlykda geçirilýän tutluşykda Selim Meretduryýew bürünç medala eýe boldy. Türkmen türgenleri toparlaýyn kumite bäsleşiginde ýene bir bürünç medal gazandylar. Bu ýaryşda Hemra Begjanow, Kemal Ataýew, Selim Muratdurdyýew we Eziz Zekeriýaýew tapawutlandy.

Türkmenistanyň ýygyndy topary 30 ýaşly tälimçi Diyar Hojaýewiň ýolbaşçylygynda çykyş etdi. Diýar Hojaýew häzirki wagta çenli öz sport karýerasynda milli we halkara ýaryşlarynda 200-e golaý medal gazandy.

Surat çeşmesi: sportcom.gov.tm

Täzegül AKJAÝEWA,
Döwletmämmet Azady adyndaky
Türkmen milli dünýä dilleri institutynyň talyby.