Aşgabat şäheriniň umumybilim berýän orta mekdepleriniň okuwçylary üçin Hytaý dili boýunça II Internet Olimpiadasy noýabr aýynyň 18-20-si aralygynda geçiriler. Bu olimpiada, Döwletmämmet Azady adyndaky Türkmen milli dünýä dilleri instituty tarapyndan guralyp, «Türkmenistanda daşary ýurt dillerini okatmagy kämilleşdirmegiň Konsepsiýasy» we «Türkmenistanda sanly bilim ulgamyny ösdürmegiň Konsepsiýasy» esasynda geçirilýär.

Bäsleşigiň esasy maksady orta mekdep okuwçylarynyň daşary ýurt dillerine bolan gyzyklanmasyny ösdürmek we bilimiň kämilleşdirilmegine goşant goşmakdyr. Olimpiada barada goşmaça maglumat we düzgünnama institutyň resmi saýtynda, datmddi.edu.tm sahypasynda ýerleşdirildi​.

Çeşme: education.gov.tm.