Golaýda, (27-nji fewralda) Aşgabat şäherindäki «Gül Zemin» toý mekanynda Halkara zenanlar güni mynasybetli geçirilen «Hünärim bar – hormatym bar» atly bäsleşigiň jemi jemlenildi. Ol Türkmenistanyň Kärdeşler arkalaşyklarynyň Milli merkezi, Türkmenistanyň Zenanlar birleşiginiň Merkezi Geňeşi, Türkmenistanyň Ministrler Kabinetiniň ýanyndaky Ulag we kommunikasiýalar agentligi bilen bilelikde guraldy.

Bäsleşikde «Türkmenaragatnaşyk», «Türkmendemirýollary», «Türkmenawtoulaglary», «Türkmenhowaýollary», «Türkmendeňizderýaýollary» agentliklerinde zähmet çekýän gelin-gyzlar öz aralarynda bäsleşdi. Birnäçe tapgyrdan ybarat bolan bäsleşikde emin agzalarynyň ses bermegi esasynda ýeňijiler yglan edildi.

Bäsleşigiň dowamynda aýdym-sazlar belentden ýaňlandy. Ýeňiji bolanlara Hormat hatlary we ýadygärlik sowgatlary gowşuryldy.