logo

Soňky täzelikler:
✦ Hormatly Prezidentimiz güýzki ählihalk bag ekmek möwsümine badalga berdi ✦ ✦ Söz baýlygy aýdyň pikiriň açary ✦ ✦ “Aşgabat – Daşoguz” awtomobil ýoluny gurmak barada şertnama baglaşmaga ygtyýar berildi ✦ ✦ Türkmen önümleri Şanhaýdaky halkara sergide tanyşdyrylýar ✦ ✦ Türkmenistanyň Prezidentiniň Gazagystana iş sapary tamamlandy ✦ ✦ «Ykbal öwrümi»: Dursun Tekäýewa bilen täsirli söhbetdeşlik ✦ ✦ Aýdym-sazly okuw maslahaty geçirildi ✦ ✦ Adam hakdaky alada ✦ ✦ Sanly gurşawyň ähmiýeti ✦ ✦ Biodürlüligiň goragynda ✦
Baş sahypa / Saglyk /Howply täze döremeleriň öňüni almaga bagyşlanyp maslahat geçirildi
  05.11.2022
1374
Howply täze döremeleriň öňüni almaga bagyşlanyp maslahat geçirildi

Golaýda Onkologiýa ylmy-kliniki merkezinde süýt mäziniň howply täze döremeleriniň öňüni almaga bagyşlanyp, «Süýt mäziniň howply täze döremeleriniň öňüni almagyň biraýlygy» atly maslahat geçirildi.

Maslahata merkezde zähmet çekýän lukmanlar we bu ugurda bejergi alan we alyp ýören näsaglar gatnaşdy. Onda esasan-da, zenanlarda duş gelýän we wagtynda bejerilmedik ýagdaýynda kyn ýagdaýlara alyp barýan süýt mäziniň howply döremeleriniň öňüni almak babatynda täsirli gürrüňler edildi. Bejergi ýollary we ugurlary wideoşekilleriň üsti bilen görkezildi. Bu ýere gatnap bejergi alyp ýören näsaglara peýdaly maslahatlar berildi.

Sowal-jogap görnüşinde geçen maslahatda adamlaryň ruhuny göteriji goşgular okaldy. Maslahatyň ahyrynda oňa gatnaşyjylara ýadygärlik sowgatlary we gül desseleri gowşuryldy.