Türkmenistanyň Bilim ministrligi 2024-nji ýylyň 7-8-nji dekabrynda Ýagşygeldi Kakaýew adyndaky Halkara nebit we gaz uniwersitetinde Ýaşlar robot tehnologiýalary bäsleşigini geçirer. Bäsleşige mekdep okuwçylary, talyp ýaşlar, şeýle-de 30 ýaşa çenli beýleki ýaşlar gatnaşyp bilerler. Gatnaşyjylar ýurduň bilim ýa-da ylmy edaralary tarapyndan hödürlenmelidir.

Bu bäsleşik, robot tehnologiýalary babatda zehinli ýaşlary ýüze çykarmak we olary goldamak maksady bilen guralýar. Gatnaşmak isleýänler goşmaça maglumat almak üçin şu telefon belgilerine ýüz tutup bilerler: 39-14-82, 39-14-29, +993 64 47-75-47.

Maglumatlar we has giňişleýin görkezmeler üçin şu salgydan hem maglumat alyp bilersiňiz: education.gov.tm.