Hindistan plastik galyndylary zyňmagyň möçberi boýunça dünýäde birinji orna çykdy. Ýurt ýylda 9,3 mln tonna plastik galyndyny zyňýar, bu bolsa global görkezijiniň tas bäşden bir bölegine deňdir.

Ylmy gözlegiň awtorlary absolýut aňlatmada plastik zyňyndylaryň iň uly möçberiniň Günorta Aziýa, Saharadan günortadaky Afrika we Günorta-Gündogar Aziýa ýurtlarynda hasaba alynýandygyny belleýärler.

Hindistandan soň ikinji orny Nigeriýa eýeleýär (3,5 mln tonna), onuň yzyndan Indoneziýa (3,4 mln tonna) we Hytaý (2,8 mln tonna) gelýär.

Alymlaryň pikiriçe, Hindistanyň resmi statistikasy oba ýerleri, ykdysadyýetiň resmi däl pudagy tarapyndan gaýtadan işlenen zibiller, şeýle-de açyk ýakylan galyndylar barada maglumatlary öz içine alman biler.Ylmy gözleg Hindistanda plastik zyňyndylaryň tas 53%-iniň galyndylary ulanmak ýa-da gaýtadan işlemek üçin ýygnalmaýan 255 mln adam toparyndan gelýändigini görkezýär. Galan zyňyndylaryň uly bölegi (38%) zir-zibil dökülýän ýerlerde zibilleri ýakmagyň paýyna düşýär.

Kümüş Öwezmyradowa 
Türkmen oba hojalyk institutynyň 1-nji ýyl talyby.