Halkara ynsanperwer ylymlary we ösüş uniwersiteti 2024-nji ýylyň dekabr aýynyň 16-20-si aralygynda talyplaryň arasynda “Häzirki zaman türkmen jemgyýeti” dersi boýunça 5-nji internet olimpiadasyny geçirer. Olimpiada, talyplaryň zehin-başarnyklaryny ösdürmek, dostlukly gatnaşyklary pugtalandyrmak we ylym bilen işjeň meşgullanmaklaryna ýardam bermek maksady bilen guralýar.

Bäsleşikde islendik hünärde okaýan talyplar gatnaşyp biler we ol şahsy bäsleşik görnüşinde I tapgyrda geçirilýär. Olimpiadanyň resmi dilleri türkmen we iňlis dilleridir. Gatnaşýan ýokary okuw mekdepleriniň talyp sanynda çäklendirme ýokdur.

Olimpiada gatnaşmak isleýänler we topar ýolbaşçylary 2024-nji ýylyň 1-nji noýabryndan 12-nji dekabryna çenli iuhd.edu.tm/competitions internet sahypasynda hasaba alynmalydyr. Gatnaşýan okuw mekdepleri bäsleşige 20 sany test soragyny hödürläp bilerler, we bu soraglar olimpiada başlanmanka, 10 gün öň guramaçylyk toparyna iberilmelidir.

Goşmaça maglumat almak üçin şu telefon belgilerine jaň edip bilersiňiz: +99312 398550, +99365809906 ýa-da iuhdolympiads@gmail.com elektron poçtasyna hat ýollaň.

Doly maglumat üçin: education.gov.tm.