Türkmenistan her ýylyň güýz paslynda hasyl toýuny – daýhanlaryň zähmetiniň miwesini we topragyň berekedini dabaralandyrýan baýramy giňden belleýär. Bu baýramçylyk türkmen halkynyň ene topraga bolan hormatyny we bol hasyl üçin minnetdarlygyny görkezýär. Hasyl toýy oba hojalygynda zähmet çeken daýhanlary, kärendeçileri sylaglamak bilen, olaryň ykdysadyýete goşýan uly goşandyna hormat goýýar.

Baýramçylyk günleri ähli welaýatlarda sergiler, milli saz-söhbet, tanslar we bäsleşikler geçirilýär. Şol dabaralarda halk türkmeniň oba hojalyk ýörelgelerini we milli däplerini ýaş nesle ýetirmek bilen nesiller arasyndaky baglanyşygy saklaýar. Şeýle hem hasyl toýunda oba hojalygyndaky täze başlangyçlar we öňdebaryjy tehnologiýalar görkezilip, Türkmenistanyň oba hojalygynyň döwrebaplaşmagyna ýardam edýär.

Hasyl toýy diňe bir daýhanlaryň baýramy bolmak bilen çäklenmän, türkmen halkynyň agzybirligi, zähmetine bolan hormaty we durnukly ösüş ugrunda öňe barýandygyny alamatlandyrýar. Şeýlelikde, hasyl toýy, Türkmenistanda parahatçylykly we bolçulykly geljege bolan ynamyň hem nyşany bolup, milli mirasyň dowamlylygyny üpjün edýär.
 

Aziza Rozmetowa
Beki Seýtäkow adyndaky mugallymçylyk mekdebiniň 2-nji ýyl talyby.