«Döwlet işleri geňeşli alnyp barylýan, her bir üstünligine buýsanyp bilýän ilde agzybirlik, asudalyk, jebislik, parahatçylyk, adalatlylyk, abadançylyk höküm sürýär» diýen ajaýyp düşünjä halkymyz ezelden eýeripdirler. «Maslahatly biçilen don gysga bolmaz» diýýän türkmen halkynyň durmuşynda irki döwürlerden bäri has möhüm, derwaýys meseleler döwrüniň parasatly gojalarydyr il ogullarynyň ýygnanyşygynda orta goýlupdyr.  

Pederlerimizden gelýän asylly ýörelgeler ýylyň ýylyna Watanymyzyň mukaddes Garaşsyzlygynyň şanly toýunyň öňüsyrasynda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başlyklyk etmeginde Türkmenistanyň Halk Maslahatynyň mejlisinde dabaralanýar. Döwletimiziň durmuşynda taryhy ähmiýetli waka bolan bu umumymilli forumyň gün tertibini ýurdumyzy mundan beýläk-de okgunly ösdürmäge, halkymyzyň abadan we bagtyýar durmuşyny üpjün etmäge gönükdirilen düýpli özgertmeleri amala aşyrmagyň ileri tutulýan wezipeleri düzýär.

Türkmenistan döwletimiziň Garaşsyzlygyny, hemişelik Bitaraplygyny berkitmäge, mynasyp goşant goşmaga, döredijilikli zähmet çekmäge, ukyp-başarnygymyzy açmaga döredip berýän mümkinçilikleri üçin türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň, Arkadagly Gahryman Serdarymyzyň janlary sag bolsun, alyp barýan beýik işleri hemişe rowaçlyklara beslensin!

Şihi Göwher,
Türkmenistanyň Döwlet energetika institutynyň mugallymy.