Ahal welaýaty
logo

Soňky täzelikler:
✦ Ylmy-amaly maslahatda ekologiýa meseleleri ara alnyp maslahatlaşyldy ✦ ✦ Türkmenistanyň futbol boýunça (U17) ýygyndy topary Daşkentde geçirilen CAFA 2025-de bürünç medala mynasyp boldular ✦ ✦ “Oguz türkmenleriniň geçmişi, şu güni we geljegi” atly halkara ylmy simpozium geçirildi ✦ ✦ Täze çagalar we ýetginjekler merkeziniň düýbi tutuldy ✦ ✦ Paýtagtymyzda Ýewropa güni mynasybetli «Parahatçylyk we ynanyşmak marafonyny» geçirildi ✦ ✦ 1-nji iýun — Çagalary goramagyň halkara güni ✦ ✦ Ylym-bilim ulgamyndaky halkara tejribeler ✦ ✦ Suratkeşiň döredijilik ylhamy ✦ ✦ Sarahs etraby 48 müň 100 tonna bugdaý hasylyny almagy maksat edinýär ✦ ✦ Nebitgaz pudagy — ykdysadyýetiň möhüm ugry ✦
Baş sahypa / Ylym we Bilim /Güýzki çagyryş möwsümi dowam edýär
  23.11.2020
425
Güýzki çagyryş möwsümi dowam edýär

       Şu günler ýurdumyzda harby gulluga ýaramly raýatlarymyzy gulluga çagyrmak we harby gulluk möhleti dolan çagyryş boýunça harby gullukçylary harby gullukdan ätiýaçlyga goýbermek çäreleri dowam edýär.

       Şeýle çäreler Ahal welaýat harby wekilligi tarapyndan hem işjeň guralýar. Harby wekillikde raýatlary harby gulluga çagyrmak lukmançylyk barlagyndan geçirilmek hem-de harby gulluga ýaramly raýatlary saýlap, olary harby lybaslar bilen geýindirip, degişli harby bölümlere ugratmak çäreleri dowam edýär.

       Güýzki çagyryş möwsüminde harby gulluga çagyrylýan raýatlaryň ugradylyş dabarasy mynasybetli Ahal welaýat harby wekilliginiň gurnamagynda  Ahal welaýatynyň Änew şäherinde ýerleşýän welaýat medeniýet öýünde dabaraly ýygnak geçirildi.

     Ýygnakda harby borja we harby kasama wepaly, ak ýürekden birkemsiz gulluk eden söweşjeň we gumanitar taýýarlygynda tapawutlanan göreldeli çagyryş boýunça harby gullukçylara sowgatlaryň we hormat hatlary gowşyryldy. Ýygnagyň ahyry Türkmenistanyň Goranmak ministrliginiň Merkezi serkerdeler öýüniň hem-de göreldeli harby orkestrynyň aýdym-saz toparlarynyň dabaraly konserti bilen utgaşyp gitdi.