Asmanymyz ak guşlaryň mesgeni,

Ata ýurdum Garaşsyz hem Bitarap.

Ýaňlanýan dur aýdym-sazyň sesleri,

Ata ýurdum Garaşsyz hem Bitarap.

Jahana ýaň salýar “Bitarap” adyň,

Öňe ynam bilen basýarsyň ädim,

Barha doganlaşýar ýakynyň, ýadyň,

Ata ýurdum Garaşsyz hem Bitarap.

Ýaşyl tugum bezeg berýär depäme,

Ýol açyk işlejek, gurjak okana,

Waspyň sygmaz dessanlara, mukama,

Ata ýurdum Garaşsyz hem Bitarap.

Arkadagym açdy alnyňy, bagty,

Geçmişiň şöhratly, geljegiň ýagty,

Üstüňe alkyşlar nur bolup ýagdy,

Ata ýurdum Garaşsyz hem Bitarap.

Aýnur Hudaýbergenowa,
Türkmenistanyň Daşary işler ministrliginiň
Halkara gatnaşyklary institutynyň II ýyl talyby.