Türkmenistanyň Döwlet energetika institutynda sport bäsleşiginiň ýeňijilerine sowgatlar gowşuryldy

Türkmenistanyň Gurluşyk we senagat toplumynyň işgärleriniň güni mynasybetli geçirilýän baýramçylyk çäreleriniň çäklerinde, Türkmenistanyň Döwlet energetika institutynda talyplaryň arasynda sportuň dürli görnüşleri boýunça fakultetara bäsleşikler geçirildi. Bu sport bäsleşiklerini Talyplar sport kluby gurnap, institutyň talyp ýaşlaryny sporta bolan höwesi artdyrmaga çagyrdy.

Noýabr aýynyň 2-sine geçirilen dabarada, fakultetara bäsleşikleriň ýeňijilerine institutyň jemgyýetçilik guramalary tarapyndan höweslendiriji sowgatlar gowşuryldy. Dabara gatnaşyjylar institutda hereket edýän “Kuwwat” aýdym-saz toparynyň ýerine ýetiren watanymyzy, Gahryman Arkadagymyzy we Arkadagly Gahryman Serdarymyzy wasp edýän aýdymlaryna tomaşa etdiler.

Bu habar barada giňişleýin maglumatlary Türkmenistanyň Döwlet energetika institutynyň resmi saýtyndan alyp bilersiňiz: tdei.edu.tm.

Läle ÝALDYROWA
Türkmenistanyň Döwlet energetika institutynyň talyby