25-nji oktýabrda paýtagtymyzdaky Söwda-senagat edarasynda «Türkmengaz», «Türkmennebit» döwlet konsernleri, «Türkmengeologiýa» döwlet korporasiýasy tarapyndan guralan «Türkmenistanyň nebiti we gazy — 2023» atly XXVIII halkara maslahat we sergi öz işine başlady.

Energetika pudagynda halkara hyzmatdaşlygy berkitmäge we ösdürmäge gönükdirilen bu forum utgaşykly görnüşde geçirilip, oňa onlaýyn arkaly hem dünýäniň onlarça döwletleriniň wekilleri gatnaşdylar. Ýer ýüzüniň 45-den gowrak ýurtlarynyň wekillerini özünde jemlän bu forumda ýygnananlar ýangyç-energetika toplumynda halkara, sebit we milli derejede senagatyň geljekki strategiýasyny kemala getirmäge bagyşlanan dünýäniň nebit bazaryndaky işleriň ýagdaýy, bu ulgamda marketing strategiýalary bilen giňişleýin tanyşdylar.

Foruma giň wekilçilikli düzümiň gatnaşmagy Türkmenistan bilen netijeli gatnaşyklary ösdürmäge dünýä ýurtlaryň işewür toparlary tarapyndan gyzyklanmalaryň has-da artýandygyna şaýatlyk edýär. Olaryň hyzmatdaşlygy berkitmäge ýykgyn etmekleri ýurdumyzyň “Açyk gapylar” syýasaty hem-de ählumumy energetika howpsuzlygyny üpjün etmäge gönükdirilen netijeli başlangyçlarynyň üstünlikli durmuşa geçirilýändigini subut edýär.

Kerim Berdyýew,
Türkmenistanyň Döwlet energetika institutynyň 2-nji ýyl talyby.