Häzirki döwrüň şertlerinde daşky gurşawy goramak, onuň baýlyklaryny artdyrmak we aýawly peýdalanmak, ekologiýa howpsuzlygyny üpjün etmek Türkmenistanyň milli syýasatynyň esasy ugrydyr we ýurdyň durmuş-ykdysady ösüşiniň möhüm düzüjileri hökmünde garalýar.

Hormatly Prezidentimiziň alyp barýan parasatly syýasaty netijesinde häzirki döwürde ýurdumyzda ekologiýa syýasaty dürli ugurlar boýunça ösdürilýär, daşky gurşawy goramak, senagat kärhanalarynyň ekologiýa howpsuzlyk işlerine aýratyn üns berilýär. Şonuň bilen baglylykda, döwlet Baştutanymyz halkara giňişliginde ekologiýa we daşky gurşawy goramak babatda oňyn başlangyçlar bilen çykyş edýär. Munuň özi, ýurdumyzyň daşary syýasy strategiýasynda ekologiýa diplomatiýasyna aýratyn ähmiýet berilýändigini tassyklaýar. Ýurdumyz ekologiýa diplomatiýasyna BMG tarapyndan ykrar edilen "2030-njy ýyla çenli Gün tertibiniň" ähmiýetli ugry adamlaryň asuda durmuşynyň wajyp ugurlarynyň biri hökmünde döwlet syýasaty alnyp barylýar. Munuň özi, esasan hem, ýer-suw serişdeleriniň tygşytly ulanylmagyny, çölleşmä garşy göreşmegi, deňiz suwlarynyň we Hazar deňziniň biologik köpdürliligini goramagy hem-de beýleki birnäçe möhüm meseleleri özünde jemleýär.

Türkmenistanyň dünýäde ekologiýa howpsuzlygyny üpjün etmekde öňe sürýän başlangyçlarynyň iş ýüzünde durmuşa geçirmegi ählumumy parahatçylyga we durnukly ösüşe gönükdirilendir. Adalatlylyk, daşky gurşawy gorap saklamak, durnukly ösüş babatyndaky ählumumy ýörelgeler ýurdumyzyň alyp barýan ekologiýa diplomatiýasyny häsiýetlendirýär.

Ekologiýa diplomatiýasynyň sebit derejesinde ösdürilmegi wajypdyr. Merkezi Aziýa sebitiniň ekologiýa meseleleri Türkmenistan döwletimiziň işjeň we köptaraplaýyn ekologiýa diplomatiýasyny alyp barmagyny şertlendirýär. Ýurdumyzyň halkara ekologiýa başlangyçlary diňe bir seslenme bolman eýsem, Türkmenistanyň olary durmuşa geçirmekde ähli zerur goldawy bermäge taýýardygy baradaky hormatly Prezidentimiziň alyp barýan işleri dünýä jemgyýetçiliginde uly goldawa mynasyp bolýar.

Maksat ASTANOW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň IV ýyl talyby.