Halkara zenanlar güni mynasybetli Tejen etrabyndaky «Bagt ýoly» toý mekanynda etrap häkimliginiň, etrap medeniýet bölüminiň hem-de etrabyň jemgyýetçilik guramalarynyň bilelikde guramagynda «Dünýäniň görki siz mährem eneler!» atly aýdym-sazly baýramçylyk dabarasy geçirildi. Oňa etrabyň edara-kärhanalarynda zähmet çekýän gelin-gyzlar, kümüş saçly mährem eneler gatnaşdy.

Toý saçagynyň başyna ýygnanan ýaz göwünli zenanlar birek-birege iň ýakymly arzuwlaryny beýan etdiler. Etrap medeniýet bölüminiň aýdymçylarynyň türkmen zenanlarymyzy wasp edýän aýdymlary, tans toparlarynyň ýerine ýetiren tanslary, sazandalaryň şirinden-şirin ajaýyp sazlary, sahna wäşileriniň şadyýan çykyşlary bu ýere gelenlere şatlyk-şowhun paýlady.

Dabara gatnaşyjylar ýurdumyzda mährem enelerimize, gelin-gyzlarymyza belent sarpa goýýan Gahryman Arkadygymyza, Arkadagly Serdarymyza alkyş sözlerini beýan etdiler.