Häzirki wagtda iň meşhur daşary ýurtly ýazyjylar hökmünde «Garri Potter»-iň awtory Joan Rouling, «Soň» atly romanlar seriýasynyň ýazyjysy Anna Todd we «50 öwüşgin» trilogiýasynyň awtory E.L.Jeýms diýlip hasap edilýär.

«Soň» atly romanlar seriýasynyň awtory amerikan ýazyjy zenan Anna Todduň eserleri dünýädäki iň köp satylýan kitaplara öwrülip, onuň kitaplary esasynda birnäçe filmler surata düşürildi. Şonuň bilen birlikde britan ýazyjysy Joan Roulingiň «Garri Potter» baradaky kitaplary 500 milliondan gowrak nusgada neşir edilip, meşhur awtoryň kitaplary bütin dünýäde uly meşhurlyga eýe boldy.

Mundan başga-da, «Iýmek, doga etmek, söýmek» we «Zenanlar şäheri» atly eserleriniň awtory amerikan ýazyjy zenan Elizabet Gilbertiň kitaplary dünýäniň iň köp satylan kitaplarynyň hataryna goşuldy.

Dünýä belli daşary ýurtly ýazyjylaryň iň meşhur kitaplary esasan häzirki wagtda elektron görnüşde ýaýradylyp, bu ugurda Anna Todduň «Soň» romany öňdäki orny eýeleýär. Anna Todduň eserinden soňra, «Robert Gelbreýt» lakamy bilen neşir edilen «Erbet hun» atly Joan Roulingiň detektiw romany ikinji orunda durýar. Üçünji orunda bolsa, iň köp satylan we uzak ýyllaryň dowamynda döreden Donna Tarttyň «Alatogan» atly romany eýeleýär. Mundan başga-da, ilkinji bäşlige E.L.Jeýmsiň «50 öwüşgini», Joan Roulingiň «Garri Potter we filosof daşy» eseri bilen birlikde onuň «Ikatýogyň çagyryşy» romany girýär.  

Aýdyň KURÝAZOW,

Türkmen oba hojalyk institutynyň mugallymy.