Ahal welaýaty
logo

Soňky täzelikler:
✦ “Ak şäheriň” ösüşe tarap ädimleri ✦ ✦ Parahatçylygy wasp edýän döredijilik sergisi ✦ ✦ Döredijilik sergisi açyldy ✦ ✦ Paýtagtymyzyň “Aşgabat” aýdym-saz merkezinde medeni çäre geçirildi ✦ ✦ Tebigatdan ylham alýan nakgaş ✦ ✦ Nakgaşyň peýzažlarynda tebigatyň waspy ✦ ✦ Bereketli pile hasyly — halal zähmetiň miwesidir ✦ ✦ Türkmenistanyň Döwlet ösüş bankynda dabaraly çäre geçirildi ✦ ✦ Ýewropa Bileleşigi bilen sanly söwda hyzmatdaşlygy ✦ ✦ Türkmenistan sebitleýin demir ýol geçelgesiniň merkezinde ✦
Baş sahypa / Jemgyýet /Dokuz gatly 108 öýli döwrebap ýaşaýyş jaýynyň açylyş dabarasy boldy
  09.03.2023
808
Dokuz gatly 108 öýli döwrebap ýaşaýyş jaýynyň açylyş dabarasy boldy

8-nji martda,  Aşgabat şäherinde dokuz gatly 108 öýli döwrebap ýaşaýyş jaýynyň açylyş dabarasy boldy. Bagtyýar maşgalalar Türkmenistanyň Prezidentiniň aladalary netijesinde Parahat-7 ýaşaýyş jaý toplumynda gurlup ulanmaga taýýar edilen täze ýaşaýyş jaýyna göçüp geldiler.

Açylyş dabarasyna paýtagtymyzyň we şäheriň etraplarynyň häkimlikleriniň wekilleri, hormatly ýaşulular, kümüş saçly eneler, ýaşlar we Aşgabat şäheriniň köpsanly ýaşaýjylary, myhmanlary hem-de köpçülikleýin habar beriş serişdeleriniň wekilleri gatnaşdylar.

Dabaranyň dowamynda tapawutlanyp zähmet çeken gurluşykçylara Türkmenistanyň Prezidentiniň adyndan sowgatlar gowşuryldy.

Belläp geçsek, täze öýüň açarlaryna eýe bolanlaryň arasynda sekiz çagaly bagtyýar maşgalalar hem bar.

Täze açylan Parahat-7 ýaşaýyş jaý toplumynda gurlup ulanylmaga taýýar edilen täze ýaşaýyş jaýlarynyň gurluşygynda we olaryň enjamlaşdyrylyşynda, bezeg işlerinde iň häzirki zaman usuldaky çözgütler peýdalanyldy. Giň otaglary bolan ýaşaýyş jaýlarynyň goşmaça kömekçi desgalarynyň hem bardygyny bellemek gerek. Öýleriň aşhanasy, eýwanlary, olaryň gurluşyk aýratynlyklary amatlylygyň ýokary talaplaryna doly laýyk gelýär.