Ýakynda, Bäherden etrabynyň sport mekdebinde stoluň üstünde oýnalýan tennis hem-de ýeňil atletika ýaryşy geçirildi. Ýaryş Bäherden etrap Sport we ýaşlar syýasaty bölümi hem-de Türkmenistanyň  Kärdeşler arkalaşyklarynyň etrap birleşmesiniň bilelikde guramagynda geçirildi. Oňa sport mekdebiniň türgenleri gatnaşdy.

Gyzykly geçen ýaryşyň netijesinde stoluň üstünde oýnalýan tennis ýaryşynda Muhammetgeldi Kuwwatberdiýew, Kuwwat Gurbanberdiýew, Aýnazar Garamämmedow dagy degişlilikde baýrakly birinji, ikinji, üçünji orunlary eýelediler. Ýeňil atletika ýaryşynda Tirkeşmuhammet Garamämmedow birinji, Selim Agamyradow ikinji, Zelilguly Bäşimow üçünji orna mynasyp boldular.  Ýaryşyň ýeňijileri etrabyň Sport we ýaşlar syýasaty bölüminiň hormat hatlary we Türkmenistanyň  Kärdeşler arkalaşyklarynyň etrap birleşmesiniň sowgatlary bilen sylaglandylar.