Bäherden etrabyndaky 4-nji orta mekdepde bilim işgärleriniň arasynda küşt ýaryşy geçirildi. Küşt ýaryşy Ylym we bilim işgärleriniň kärdeşler arkalaşygynyň Bäherden etrap Geňeşi, etrabyň bedenterbiýe we sport bölümi hem-de etrap bilim bölümi tarapyndan bilelikde guraldy. Ýaryşa umumybilim berýän orta mekdeplerden mugallymlar gatnaşdy.

Arkadag Serdarly bagtyýar ýaşlar ýyly mynasybetli geçirilen ýaryş bilim işgärleriniň arasynda akyl-paýhas oýnunyň ussatlarynyň az däldigini görkezdi. Gyzykly geçen ýaryşyň netijesinde etrapdaky 30-njy orta mekdebiň mugallymlary toparlaýyn birinji, 12-nji orta mekdebiň topary ikinji, 27-nji orta mekdebiň topary üçünji orny eýeledi. Ýeňijilere hormat hatlary we ýadygärlik sowgatlary gowşuryldy.