2-nji iýulda Azerbaýjanyň Prezidenti Ilham Aliýewiň gatnaşmagynda dabaraly ýagdaýda ulanylyşa berlen «Zangilan» tankeri ilkinji ýüküni Türkmenistanyň Alaja deňiz portuna getirdi.

«Zangilan» tankeri ilkinji ýüzüşe Azerbaýjanyň Sangaçal deňiz portundan başlap, ol ýerden ýüklenen çig nebiti 17-nji iýulda Türkmenistanyň Balkan welaýatynyň Hazar şäherçesiniň golaýyndaky Alaja deňiz portuna getirdi. Bu barada «nCa» portalynyň habar berýär.

Bu tankeriň uzynlygy 141, ini 16,9 metre deň, tankerde çig nebit we nebit önümlerini daşamak üçin niýetlenen umumy kuwwaty 9212 kub metr bolan alty sany ýük bölümi (tank) bar. Gäminiň ýük göterijilik ukyby 7 müň 800 tonna barabardyr. Bu gämi «Azerbaýjanyň Hazar ýük daşaýyş kompaniýasynyň» (ASCO) sargydy esasynda Baku gämi-gurluşyk zadowynda guruldy.