Şu gün paýtagtymyz Aşgabatdaky Magtymguly şaýolunyň ugrunda täze Arkaç söwda-dynç alyş merkezi açylyp ulanylmaga berildi. Bu barada "Türkmenistan: Altyn Asyr" saýty habar berýär. Bu täze toplum işewürlik dünýäsiniň jemlenýän merkezine we paýtagtymyzyň ýaşaýjylarynyň dynç alýan ýene bir künjegine öwrüler.

Soňky tehnologiýalar bilen enjamlaşdyrylan 4,7 gektar meýdan çäkde ýerleşýän işewürlik we dynç alyş merkezli hem-de ýerasty awtoulag duralgaly Arkaç söwda-dynç alyş merkezi 3 gatdan ybarat bolup, merkezi bölegi hem-de birnäçe köpugurly desgalary öz içine alýar.

Täze açylan Arkaç söwda-dynç alyş merkeziniň çäginde 55 müň 377 inedördül meýdany bolan supermarket ýerleşýär. Şeýle hem bu ýerde alyjylaryň ygtyýaryna köpsanly dürli dükanlardan başga-da, oýun meýdançalary, kinozal, çagalar dynç alyş şäherçesi, restoran we kafe, şeýle hem Toý mekany we beýlekiler halka hyzmat eder.

"Arkaç" söwda-dynç alyş merkeziniň salgysy:
Magtymguly şaýoly "Altyn Açar" kafesiniň garşysy.