26-njy martdan başlap, «Türkmenistan» awiakompaniýasy Aşgabat — Deli — Aşgabat ugry boýunça yzygiderli gatnawlary gaýtadan ýola goýar. Bu ugurdaky petekleri awiakompaniýanyň Russiýadaky baş agentliginiň resmi web sahypasynda satuwa çykaryldy.

Deli şäherine Aşgabatdan hepdede bir gezek, ýekşenbe günleri amala aşyrylmagy meýilleşdirilýär. Uçar Aşgabatdan 05:15-de uçup, Indira Gandi halkara howa menziline 09:05-de gonar.

Ýeri gelende belläp geçsek, häzirki wagtda «Türkmenistan» awiakompaniýasy Aşgabatdan Stambula (Türkiýe), Moskwa (RF), Kazana (Tatarstan, RF), Maýn boýundaky Frankfurta (Germaniýa) we Dubaýa (BAE) yzygiderli gatnawlary amala aşyrýar.