Ahal welaýaty
logo

Soňky täzelikler:
✦ Mätäç çagalara lukmançylyk kömekleri berildi ✦ ✦ Ýerleriň şorlaşmagy tebigy durnuklylyga howp salýan mesele ✦ ✦ Biodürliligi gorap saklamak sagdyn ekoulgamy döretmegiň esasy şertidir ✦ ✦ Türkmen suratkeşleri Türki dünýäsiniň suratkeşleriniň döredijilik duşuşygyna gatnaşdy ✦ ✦ Ylmy-amaly maslahatda ekologiýa meseleleri ara alnyp maslahatlaşyldy ✦ ✦ Türkmenistanyň futbol boýunça (U17) ýygyndy topary Daşkentde geçirilen CAFA 2025-de bürünç medala mynasyp boldular ✦ ✦ “Oguz türkmenleriniň geçmişi, şu güni we geljegi” atly halkara ylmy simpozium geçirildi ✦ ✦ Täze çagalar we ýetginjekler merkeziniň düýbi tutuldy ✦ ✦ Türkmenistandan 3 müňe golaý zyýaratçy haj saparyna ugradyldy ✦ ✦ Paýtagtymyzda Ýewropa güni mynasybetli «Parahatçylyk we ynanyşmak marafonyny» geçirildi ✦
Baş sahypa / Jemgyýet /Arkadag şäheriniň Beýik Britaniýada tanyşdyrylyş dabarasy geçirildi
  24.04.2023
570
Arkadag şäheriniň Beýik Britaniýada tanyşdyrylyş dabarasy geçirildi

Beýik Britaniýanyň «akylly» şäherleriniň hataryna girýän Milton-Kins şäheriniň häkimliginiň binasynda Türkmenistanyň Beýik Britaniýadaky Ilçihanasynyň wekilleriniň Milton-Kins şäheriniň dolandyryş edarasynyň ýolbaşçy wekilleri bilen duşuşygy hem-de onuň dowamynda Arkadag şäheri bilen giňişleýin tanyşdyrylyş dabarasy geçirildi.

Tanyşdyrylyş dabarasynda Türkmenistanyň Beýik Britaniýaniýadaky Ilçisi Ý.Serýaýew çykyş etdi. Ol öz çykyşynda Türkmenistanda durmuşa geçirilýän ägirt uly özgertmeler barada gürrüň bermek bilen Türkmenistanyň Halk Maslahatynyň Başlygy Gurbanguly Berdimuhamedowyň başlangyjy esasynda, «akylly» şäher konsepsiýasyndan ugur alnyp, Arkadag şäheri boýunça alnyp barylýan işler barada duşuşyga gatnaşyjylary giňişleýin tanyşdyrdy we degişli foto şekiller bilen birlikde maglumatlary beýan etdi.

Çäräniň dowamynda britan tarapy, Milton-Kins şäheri barada, onuň taryhy, ilaty, «akylly» şäher hökmünde dürli ugurlarda ulanylýan häzirki zaman tehnologiýalary, şäheriň ykdysady ösüşi, 2050-nji ýyla çenli ösüş maksatnamasy barada maglumatlar berdi.

Milton-Kins şäheriniň Dolandyryş edarasynyň Geňeşiniň ýolbaşçysy Piter Marland öz çykyşynda Milton-Kins şäheriniň daşary ýurtlaryň «akylly» şäherleri bilen hyzmatdaşlyk edýändigini habar berdi.

Ýeri gelende belläp geçsek, Arkadag şäheri bilen hem hyzmatdaşlygy ýola goýmaga we Milton-Kins şäheriniň dolandyryş edarasynyň wekilleriniň Türkmenistana sapary amala aşyrmaga gyzyklanma bildirilýändigi bellendi.