WAGYZ-NESIHAT ÇÄRESI GEÇIRILDI
 

Berdimuhamet Annaýew adyndaky Arkadag şäher mugallymçylyk orta hünär okuw mekdebinde geçirilen wagyz-nesihat çäresi.
 

Berdimuhamet Annaýew adyndaky Arkadag şäher mugallymçylyk orta hünär okuw mekdebinde, «Ahlak arassalygy – ruhy tämizlik» atly wagyz-nesihat çäresi geçirildi. Çäräniň maksatnamasynda, sagdyn jemgyýet we ýaş nesilleriň zyýanly endiklerden daşda durmagy hakda giňişleýin gürrüňler edilip, Gahryman Arkadagymyzyň we Arkadagly Gahryman Serdarymyzyň ýolbaşçylygynda üstünlikli amala aşyrylan döwlet syýasaty barada maglumat berildi.
 

Çäräniň dowamynda, Arkadag şäheriniň Polisiýa müdirliginden, Türkmenistanyň Magtymguly adyndaky Ýaşlar guramasynyň Arkadag şäheriniň Geňeşinden, Arkadag şäheriniň Köpugurly hassahanasyndan, Berdimuhamet Annaýew adyndaky Arkadag şäher mugallymçylyk orta hünär okuw mekdebinden wekiller çykyş edip, ýaşlaryň sagdynlygy, watansöýüjilik ruhunda terbiýelemek we jemgyýetiň ösüşine goşant goşmak üçin alnyp barylýan işler barada täsirli gürrüňler berdiler.
 

Düşündiriş we maksat: Çäräniň esasy maksady, ýaş nesillerimizi ahlak taýdan terbiýelemek, ruhy taýdan ösdürmek we olaryň sagdyn durmuş ýörelgelerini kemala getirmekdir. Bu çäre, döwletimiziň ýaşlar baradaky syýasatynyň möhüm ugurlaryny we döwlet wezipeleriniň ýerine ýetirilişini beýan edýär.
 

Çeşme: Yashlar.gov.tm

Kemal BAGTYÝAROW,
Türkmenistanyň Döwlet energetika
institutynyň 3-nji ýyl talyby.