Ýakynda, Änew şäheriniň döwrebap sport toplumynda türkmen milli göreşi boýunça ýaryş geçirildi. Ýaryşa ýurdumyzyň dürli künjeklerinden gelen pälwanlaryň onlarçasy öz aralarynda güýç synanyşdylar.

Ahal welaýatynyň sport we ýaşlar syýasaty Baş müdirliginiň meýilnamasy esasynda guralan bu ýaryşda Tejen şäherine wekilçilik eden pälwanlardan Ýakup Atadurdyýew (57 kg), Rahym Jepbarow (82 kg), Annagurban Allaberdiýew (90 kg), Tejen etrabyndan Mekan Nurberdiýew (62kg), Selim Nurberdiýew (68 kg), Söýün Mommaýew (+100 kg), Gökdepe etrabyndan Işannur Babaýew (75 kg) we Ak bugdaý etrabyndan Baýramdurdy Seýitliýew (100 kg) dagy öz garşydaşlaryndan rüstem gelip, birinji orunlara mynasyp boldular. Ýeňiji bolan pälwanlara guramaçylar tarapyndan Hormat hatlarydyr gymmat bahaly sowgatlar gowşuryldy.