Stanford uniwersitetiniň alymlary siwilizasiýanyň ýakyn birnäçe onýyllykda ýok bolup biljekdigini mälim edýärler.

«CBS» teleýaýlymynda ýaýlyma berilýän «60 minut» atly telegepleşikde Stanford uniwersitetiniň birnäçe alymlary çykyş etdiler. Telegepleşigiň dowamynda alymlar köpçülikleýin ýok bolmak krizisini ara alyp maslahatlaşdylar.

Gözlegleri, wagtyň geçmegi bilen ekosistemalaryň üýtgemelerini kartalaşdyrmak bilen alyp barýan Stanford uniwersitetiniň biologlary «CBS» teleýaýlymynda eden çykyşlarynda Ýeriň takmynan 4 milliard ýyllyk ömrüniň galandygyny aýdyp geçdiler.

Alymlar mundan müňlerçe ýyl ozal dinozawrlaryň ýitip gidişi ýaly ýaşaýşyň we siwilizasiýanyň ýok bolup gitjekdigini, emma Ýeriň özüniň bu tebigy hadysadan halas bolup galjakdygyny belleýärler. Munuň müňlerçe ýyldan soň iň erbet köpçülikleýin ýok bolmak döwri boljakdygy çaklanylýar.

Şeýle-de bolsa alymlar bu betbagtçylygyň Ýer ýüzünden ýaşaýşy doly ýitirmän iň bolmanda tehnologiki siwilizasiýamyzyň elementlerini ýok edip biljekdigini öňe sürýärler. Adamlar belli bir derejede ýaşap bilseler-de, bu rehimsiz hakykat häzirki ýaşaýyş ýerleriniň ýok bolmagyna, tebigy iýmit zynjyrynyň ýitmegine sebäp bolup, köpçülikleýin ýitip gitmek bilen häzirki zaman adamzat jemgyýetiniň dargamagyna getirer.

Atajan JORAMURADOW,

Türkmenistanyň Döwlet energetika 
institutynyň talyby.