Daýhan “ak altyn” atyzlardaky akhanalara uly buýsançly bilen garaýar. Ol ene - topragy özüniň ekleýjisi hasaplaýar. Tejen etrabynyň pagtaçy kärendeçileri hem bu gün özleriniň çekýän yhlasly zähmetleriniň miwesini gördiler. Şonuň üçin hem pagtaçy kärendeçiler hemişe pederlerimiziň “Çekseň zähmet – ýagar rehnet” diýen sözlere eýerýärler. Şonuň ýaly hem daýhan ýylyň bütin dowamynda ene-topraga hyzmat etdi, alyn derini oňa bagyşlady. Bu gün bolsa “ak altynly” atyzlary akhanalar bezeýär, daýhan oňa guwanýar, buýsanýar. Gollaryny mäkäm çyzgap, şol ekerançylyk meýdanlarynda köp müňlerçe ýygymçylar zähmet çekýär. Olaryň arasynda ökdeler öňe saýlanýarlar. Olaryň gapana goýýan pagtalarynyň möçberleri bolsa gün saýyn artýar.

         Pagta ýygymynyň guramaçylykly geçmeginde etrap häkimligi, onuň çägindäki jemgyýetçilik guramalary hem-de onuň işjeň agzalary mynasyp goşantlaryny goşýarlar. Medeniýet işgärleriniň çekýän zähmetleri hem bu ugurda bellenmäge mynasypdyr. Etrabyň daýhan birleşiklerinde pagtaçylyk bölümlerinde, daýhan hojalyklarynda, toparlarda bolup, günortan arakesme wagtynda zähmet adamlarynyň armasyny berýärler. Belentden ýaňlanýan aýdymlar, ýaşuly nesileriň we wekilleriniň söhbetdeşlikleri milli tagamlar, pagtaçylaryň ruhyny has ýokary göterýär. Şol dabaraly pursatda jemgyýetçilik guramalarynyň işgärleri hem pagta ýygymy möwsüminde yglan eden 10 günlik ýaryşlaryň jemini jemläp, öňde baryjylaryna ýadigärlik gymmat bahaly sowgatlaryny hem-de hormat hatlaryny gowşurýarlar. Munuň özi bolsa her günki zähmet öndürjiligini gün saýyn ýokarlanmagyna getirýär.