Aşgabadyň "Altyn asyr" futbol kluby AFK 2 Çempionlar ligasynyň toparlaýyn tapgyrynda ilkinji duşuşygyny geçirdi.
 

Toparlaýyn tapgyryň birinji duşuşygynda Ýazguly Hojageldiýewiň şägirtleri myhmançylykda Bagdatdan "Al-Kuwa" yrak kluby bilen duşuşdylar. B toparyň bu duşuşygy 23:00-da başlandy.

«Altyn asyr» saýlama tapgyrynda "Ist Bengal" hindi klubuny myhmançylykda 3:2 hasabynda ýeňip, AFK 2 Çempionlar ligasynda çykyş etmäge hukuk gazandy.

Türkmenistanyň çempionatynyň geçen möwsüminde "Altyn asyr" kümüş medallary eýeledi. Belläp geçsek, geçen möwsümiň çempiony "Arkadag" FK täze ýaryşda - AFK Çagyryş ligasynda çykyş eder. "Arkadag" klubunyň gatnaşmagynda B toparyň bu tapgyrynyň toparlaýyn duşuşyklary Kuweýtde merkezleşdirilen görnüşde oktýabryň ahyrynda we noýabryň başynda geçiriler.

Dawut Döwletgeldiýew,
Türkmen oba hojalyk institutynyň
3-nji ýyl talyby.
TKA-nyň talyp hakynyň eýesi.