Türkmenistanyň Söwda-senagat edarasynda “Ak şäherim Aşgabat” atly XXIV köpugurly halkara sergi geçirildi. Bu barada Türkmenistanyň resmi metbugaty habar berdi.

Bu sergä ýurdumyzyň hem-de daşary ýurtlaryň kompaniýalary we kärhanalary, ministrlikler, pudaklaýyn dolandyryş edaralary, şeýle hem halkara guramalaryň we daşary ýurtlaryň ýurdumyzdaky wekilhanalarynyň ýolbaşçylary we wekilleri gatnaşdylar.

Açylyş dabarasynda Türkmenistanyň Prezidentiniň halkara sergä iberen gutlag haty okaldy. Sergä Russiýadan, Hytaýdan, Koreýa Respublikasyndan, Türkiýeden we beýleki ýurtlardan wekiller gatnaşdylar. Olar dürli ugurlarda gazanylan dünýä derejesindäki üstünlikleri, täze işläp taýýarlamalaryny hem-de innowasion çözgütlerini görkezdi.

Bu sergi diňe bir harytlary we hyzmatlary däl, eýsem ekologiýa, durnukly ösüş we Aşgabady “ýaşyl” şäher derejesine çykarmak boýunça görülýän işler bilen hem baýlaşdyrylandyr. Sergide ministrlikleriň, pudaklaýyn dolandyryş edaralaryň, telekeçileriň hem-de Aşgabatda şähergurluşyk taslamalaryna gatnaşmaga gyzyklanma bildirýän daşary ýurt kompaniýalarynyň gazananlary giňden görkezildi.

Aýzada AŞYROWA,

Türkmenistanyň Daşary işler ministrliginiň
Halkara gatnaşyklary institutynyň talyby.