13 — 15-nji martda Gazagystanyň Almaty şäherinde ABŞ-Merkezi Aziýa formatynda (B5 + 1) ilkinji biznes dialogy geçiriler.

B5+1 forumy ABŞ-nyň Döwlet departamentiniň maliýeleşdirmegi bilen ABŞ-nyň Söwda palatasynyň şahamçasy bolan Halkara hususy kärhanalar merkezi (CIPE) tarapyndan dolandyrylýan Merkezi Aziýada biznes-işewürligi gowulandyrmak boýunça alnyp barylýan maksatnamanyň çäginde amala aşyrylýar.

«C5+1» taslamasyny durmuşa geçirmekde giňden tanalýan «CIPE», ABŞ-nyň Döwlet departamentiniň goldawy bilen «B5+1» bisnes dialogyny döretmek boýunça hem täze başlangyçlaryny öňe sürdi.

Almatyda geçiriljek halkara forumyň dowamynda gyzyklanýan taraplar üçin sebitdäki işewürlik çözgütleri barada maglumatlar berler we bu ugur boýunça pikir alşylyp, ykdysady hyzmatdaşlygy ösdürmek babatdaky mümkinçilikler ara alnyp maslahatlaşylar.

Ogulşat HANALYÝEWA,

Döwletmämmet Azady adyndaky
Türkmen milli dünýä dilleri
institutynyň talyby.