2024-nji ýylyň 24-27-nji oktýabry aralygynda Gazagystanyň Almaty şäherinde “Sungat Planetasy-2024” atly halkara ýaşlar festiwalynyň jemleýji tapgyry geçirildi. Festiwala dünýäniň dürli ýurtlaryndan ýaş sungatçylar gatnaşyp, öz eserleri bilen baýrak ugrundaky bäsleşiklere goşuldylar. ÝUNESKO-nyň maddy däl medeni miras gymmatlyklaryna esaslanan taslamalar bilen gatnaşan ýaşlar, milli medeniýeti goramagyň we geljege geçirmekligiň ähmiýetini nygtadylar.

Festiwalda 83 ýaş sungatçy döredijilik we medeni çärelerde öz ukyplaryny görkezdi. Şeýle hem “Şymbulak” sagaldyş merkezine we Milli Sungat Akademiýasyna gezelençler we ussatlyk sapaklary geçirildi.

Selimberdiýew Orazberdi
Türkmenistanyň Döwlet energetika institutynyň talyby