Kaka etrabynda pagta ýygymynyň depginini ýokarlandyrmak, ýylboýy yhlas siňdirilip ýetişdirilen «ak altyny» ýitgisiz ýygnamak hem-de kabul ediş harmanhanalaryna bökdençsiz daşamak, öňdebaryjylary höweslendirmek maksady bilen yglan edilen nobatdaky on günlük zähmet bäsleşiginiň jemi jemlendi.

Türkmenistanyň Kärdeşler arkalaşygynyň etrap birleşmesiniň yglan eden nobatdaky zähmet bäsleşigi ýygymçylaryň, kombaýnçylaryň we awtoulag sürüjileriniň arasyndan oňat netije gazananlary öňe saýlady.

Zähmet bäsleşiginde Türkmenistanyň Kärdeşler arkalaşygynyň etrap birleşmesiniň ýörite sowgatlaryna etrabyň Kaka Pagta arassalaýjy kärhanasynyň sürüjileri Orazberdi Harlyýew hem-de Allaberdi Orazalyýew, etrabyň Tehniki hyzmat ediş kärhanasynyň mehanizatorlary kombaýnçylar Begli Anjanow, Gurban Bäşimow hem-de etrabyň “Parahat” daýhan birleşiginiň ýygymçylary Ýazgeldi Annagulyýew, Rahymberdi Myradow dagy mynasyp boldular. Bu öňdebaryjy zähmetkeşler bilen iş üstünde duşuşylyp, armalary ýetirildi hem-de sowgatlary gowşuryldy.    

Bahar ÄRNEPESOWA,
Türkmenistanyň  Kärdeşler
arkalaşyklarynyň   Kaka etrap
birleşmesiniň kätibi.