Bu günki günde Garaşsyz, Baky Bitarap  Watanymyzyň at-abraýy halkara arenasynda gün-günden artýar we dost doganlyk, parahatsöýjülik gatnaşyklary has-da ýygjamlaşýar. Şu aýdylanlara mysal hökmünde geljek ýylyň  BMG-niň Baş Assambleýasynyň 78-nji sessiýasynyň 63-nji plenar mejlisinde Türkmenistanyň başlangyjy bilen 2025-nji ýyly "Halkara parahatçylyk we ynanyşmak ýyly" diýlip yglan edilmegi,  munuň özi Türkmenistanyň ählumumy parahatçylygy pugtalandyrmak, döwletleriň arasynda ynanyşmagy berkitmek ugrunda edýän taýsyz tagallalarynyň bütin dünýäde ykrar edilýändiginiň  aýdyň subutnamasydyr.

Geljek ýylyň meýilnamasynda Bitaraplyk syýasaty, parahatçylygy, howpsuzlygy we ynanyşmagy berkitmek, dialog medeniýetini ösdürmek, howanyň üýtgemegi we ekologiýa meselelerine bagyşlanylan dürli dabaralar, çäreler we işler öz beýanyny tapýar. Şeýle-de 2025-nji ýylyň dekabr aýynda Aşgabat şäherinde 2025-nji — Halkara parahatçylyk we ynanyşmak ýylynda ýetilen sepgitleriň netijeleri we dünýä syýasatynyň geljegi bilen bagly meselelere bagyşlanylan halkara forumy, parahatçylygyň we ynanyşmagyň halkara parlament dialogyny, parahatçylygyň, howpsuzlygyň we durnukly ösüşiň hatyrasyna Bitaraplygyň dostlary toparynyň halkara parahatçylyk we ynanyşmak ýyly mynasybetli duşuşygyny, dialogy,  2025-nji ýylyň ikinji ýarymynda Şweýsariýanyň Ženewa şäherinde geçiriljek Ženewa parahatçylyk hepdeliginiň çäklerinde "2025-nji — Halkara parahatçylyk we ynanyşmak ýyly" mynasybetli halkara çäreleri, 2025-nji ýylyň dowamynda BMG-niň Wena şäherinde ýerleşýän Halkara merkezinde dostluk dabarasyny geçirmeklik geljekki ýylymyzyň esasy wakalaryndan wajyp orny eýeleýär

Nurmuhammet ÇARYÝEW,
Türkmenistanyň Daşary işler ministrliginiň
Halkara gatnaşyklary institutynyň talyby.