Ahal welaýaty
logo

Soňky täzelikler:
✦ “Azerbaýjan – Türkmenistan – Özbegistan” formatynda üçtaraplaýyn duşuşyk geçirildi ✦ ✦ “Kids EXPO: ähli zat çagalar üçin” atly halkara sergi-ýarmarkasy öz işine başlady ✦ ✦ Ýaşlar Forumy – geljege barýan ýol! ✦ ✦ 12-nji awgust - Hazar deňziniň güni! ✦ ✦ Hereketleriň maksatnamalaryny milli syýasatlara ornaşdyrmagyň strategiýalary işlenilýär ✦ ✦ Durnukly ösüş maksatlarynyň 16-njy maksadyny durmuşa geçirmäge ýardam bermek boýunça ugurdaş çäreler geçirildi ✦ ✦ Awaza 2025: Parlament forumy ✦ ✦ Awaza 2025: Hususy pudagyň forumy ✦ ✦ LLDC ýurtlar boýunça BMG-niň 3-nji maslahaty dünýä metbugatynda ✦ ✦ Awazada medeniýet we sungat ussatlarynyň dabaraly konserti geçirildi ✦
Baş sahypa / Şygryýet /Eje...
  22.05.2022
946
Eje...

Eje, duýgularym özgerip barýar,
Gün-günden üýtgeýär hyýal, pikirlem.
Ylhamym beýnime «Ýaz!» diýip urýar,
Emma başga ýana çekýär setirlem.

Günem dogýar şol öňküje ýerinden,
Ýene-de şol öňki ýerinden batýar.
Emma bu günlerim öňküsi deý däl,
Zemin gysýar, asman depämden basýar.

Öňki diňlenmedik söýgi aýdymlar
Indi ýuwaş-ýuwaş diňlenýän ýaly.
Täsirinden hiç saplanyp bilmänsoň,
Ýüregem şolara hiňlenýän ýaly.

Ýodalarym haýsy ýola öwrüldi,
Ýa ezildim haýsy bulduň ýagşyna?!
Damjalardan dörän söýgi setirler,
Indi öwrülipdir köňül nagşyma.

Bu täsin günleriň soňy barmyka,
Üns bermejek bolup kösenýän niçe.
«Akyl gyzyň» ne günlere düşüp ýör,
Çagalygmy gaýdyp bersene, eje.

Nurgözel ÝAZBERDIÝEWA,

Magtymguly adyndaky Türkmen döwlet uniwersitetiniň talyby.