Döwletmämmet Azady adyndaky Türkmen milli dünýä dilleri institutynda  talyplaryň okuwa bolan höwesini ýokarlandyrmak şeýle-de geljekki hünärlerini saýlamaga kömek etmäge urukdyrmak maksady bilen «Zehinli filologlar bilen söhbetdeşlik» atly bäsleşik geçirildi. Geçirilen bäsleşigiň çäklerinde birnäçe ýerli ýokary okuw mekdepleriniň talyplary filolog—mugallymyň keşbini synap gördüler. Talyplar filolog—mugallymlaryň kärine içgin girişmegi, täze hünärleri öwrenmegi we gyzykly tanyşlyklary açmagy başardylar.

Bäsleşik üç tapgyrdan ybarat bolup, oňa diňe daşary ýurt dillerine ýöriteleşdirilen ýokary okuw mekdepleriniň talyplaryny däl-de, eýsem dürli ugurly hem-de hünärli ýokary okuw mekdepleriniň talyplaryny bir ýere jemledi, bu bolsa Türkmenistanda daşary ýurt dillerini öwretmegi kämilleşdirmegiň Konsepsiýasynyň üstünlikli durmuşa geçirilýändigini görkezdi.