Türkmenistanyň Demokratik partiýasynyň Dänew etrap komiteti «Ýylyň iň göreldeli partiýa komiteti» diýlip yglan edildi.

Türkmenistanyň Demokratik partiýasynyň welaýat komiteti her ýyl geçirilmegi asylly däbe öwrülen bu bäsleşigiň nobatdaky ýeňijileriniň ― partiýanyň etrap komitetiniň işgärleriniň, agzalarynyň, partiýa guramaçylarynyň we wagyzçylarynyň ýylyň tutuş dowamynda alyp baran işlerine ýokary baha berdi. Bäsleşikde partiýanyň Saýat etrap komiteti ikinji, Türkmenabat şäher komiteti üçünji orunlary eýelediler. Türkmenabat şäherindäki ýöriteleşdirilen 35-nji orta mekdebiň mugallymy Döwletmyrat Sadow bolsa «Ýylyň iň göreldeli wagyzçysy» diýlip yglan edildi. Ýeňijilere welaýat komitetiniň Hormat hatlary we ýadygärlik sowgatlary dabaraly ýagdaýda gowşuryldy.