«Ýürege tarap ýol» atly halkara ylmy-amaly maslahat geçirildi

Türkmenistanyň Gruziýadaky Ilçihanasynyň ýardam bermeginde onlaýn görnüşinde «Ýürege tarap ýol» atly halkara ylmy-amaly maslahat geçirildi. Ylmy-amaly maslahat Türkmenistanyň Saglygy goraýyş we Derman senagaty ministrligi, Ýüpek ýolynyň ýürek sazlaşygynyň Jemgyýeti, şeýle hem Türkmenistanyň Gruziýadaky Ilçihanasy tarapyndan gurnaldy.

Onlaýn görnüşde geçirilen maslahata saglygy goraýyş ugry boýunça Türkmenistanyň, Gruziýanyň, ABŞ-nyň öňdebaryjy hünärmenleri gatnaşdylar. Maslahata gatnaşyjylar interwasion kordiologiýa we aritmologiýa bejerişiň innowasion usulyny şeýle-de häzirki zaman tehnologiýalary, aritmiýany, ýürek ýetmezçiligi, şeýle hem beýleki ýürek-damar keselini anyklaýyş we bejeriş usulyny ara alyp maslahatlaşdylar.