Türkmenistanyň Prezidentiniň gol çeken resminamasyna laýyklykda, şu ýylyň 2-nji iýulynda 275 zyýaratçy Saud Arabystany Patyşalygyna iberildi. Musulmanlaryň mukaddes Gurban aýynda haj parzyny berjaý eden türkmen zyýaratçylary Türkmenistana dolanyp geldiler.

Ýurdumyzyň zyýaratçylary, zyýarat wagtynda zerur bolan ähli şertler, awtoulaglardyr beýleki hyzmatlar bilen ýokary derejede üpjün edildi. Zyýaratçylar keramatly Käbede, ekiz şäherler diýlip bilinýän Mekge we Medine şäherlerinde, Safa we Merwe daglarynyň arasynda, Zemzem çeşmesiniň töwereklerinde, Arafat, Mina, Nur daglarynda we beýleki mukaddes ýerlerde zyýarat etdiler.

Belläp geçsek, türkmen zyýaratçylaryny zyýarata eltmek we yzyna getirmegi Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenhowaýollary» agentligi öz serişdeleriniň hasabyna ýörite guralan gatnaw arkaly amala aşyrdy.