«Awaza» milli syýahatçylyk zolagynda çagalaryň tomusky dynç alyş mowsuminiň ilkinji tapgyry badalga aldy. Bu ýerde ýurdumyzyň ähli künjeklerinden gelen körpeleriň uly topary mähirli garşylandy. 

Tomusky dynç alyş möwsümi mynasybetli bu ýerde şowhunly çäreler guraldy. Şeýle çäreler «Ahal», «Balkan», «Daşoguz», «Lebap», «Mary» myhmanhanalarynda «Daýanç» we «Arzuw» çagalar dynç alyş we sagaldyş merkezlerinde ýokary derejede geçirildi. Çagalar dynç alşyň ilkinji gününde döredilen döwrebap şertler we mümkinçilikler bilen içgin tanyşdylar.