Ahal welaýaty
logo

Soňky täzelikler:
✦ Sanly ulgam - ösüşiň binýady ✦ ✦ Medeniýet hepdeligine badalga berildi ✦ ✦ Merkezi Aziýa ýurtlarynyň küştçüleri «Aşgabat 2025» halkara ýaryşynda üstünlikli çykyş etdiler ✦ ✦ Galla - biziň baýlygymyz ✦ ✦ Parahatçylyk taglymaty - bitewüligiň binýady ✦ ✦ Türkmenistanyň ýokary okuw mekdepleriniň 14-si «THE Impact Rankings 2025» reýtingine goşuldy ✦ ✦ Milli zergärçilik sungaty bilen tanyşyldy ✦ ✦ Meýdan düşelgesindäki dabaraly çäre ✦ ✦ Türkmen sazlary Pekinde ýaňlandy ✦ ✦ Medeniýet, sungat, Magtymgulynyň döredijiligi – milli gymmatlyklaryň hazynasy ✦
Baş sahypa / Oba hojalygy /"Ýigit" hojalyk jemgyýeti ýyladyşhana ulgamynyň meýdanyny 20 gektar giňeltmegi meýilleşdirýär
  05.08.2023
617
"Ýigit" hojalyk jemgyýeti ýyladyşhana ulgamynyň meýdanyny 20 gektar giňeltmegi meýilleşdirýär

“Ýigit” hojalyk jemgyýeti häzirki wagtda 70 gektar meýdandaky ýyladyşhana ulgamynda önüm öndürmegi dowam edýär. Täze möwsümde, ýyladyşhana ulgamynyň meýdanyny ýene 20 gektar giňeltmegi meýilleşdirýändigini nygtap geçdi.

 

Ýaňy ýakynda bolsa Niderlandiýanyň Amsterdam şäherinde geçirilen “Greentech Amsterdam” sergisine gatnaşdy.

 

Bu halkara sergi dünýäde oba hojalygynda öndürilýän täze önümleri tanyşdyrmak we hilini öwrenmek maksady bilen her ýyl geçirilýär. Geçen ýyl bilen deňeşdirilende sergä gatnaşan döwletleriň sany 7 göterim artdy. Bu ýyl bolsa oňa 128 döwletiň wekilleri gatnaşdylar.

 

“Ýigit” hojalyk jemgyýetiniň ýyladyşhana toplumynda pomidorlaryň täze we durnukly sortlary ösdürilip ýetişdirilýär. Öndürilýän önümleriň 90 % - i Russiýa, BAE, Belarussiýa, Gazagystan, Gyrgyzystan, Täjigistan, Owganystan ýaly birnäçe ýurtlara eksport edilýär.

 

Ýeri gelende belläp geçsek, “Ýigit” hojalyk jemgyýeti ýurdumyzda ilkinji bolup “Global G.A.P” şahadatnamasyny alandygyny nygtap geçmek zerurdyr.

 

Allamyrat GAPUROW
Magtymguly adyndaky Türkmen
döwlet uniwersitetiniň talyby,
Türkmenistanyň Magtymguly adyndaky
Ýaşlar Guramasynyň işjeň agzasy