Gyş paslynda halka amatly bahadan azyk üpjün etmek maksady bilen «Ýigit» hojalyk jemgyýeti öz ýyladyşhanalarynda öndürilen pomidorlary «Aşgabat» söwda we dynç alyş merkezinde ýanwar aýynyň 11-18 aralygynda ýurdumyzyň ýaşaýjylaryna 2 kilogram pomidoryň bahasyny 2 manatdan hödürleýär. 

Türkmenistanyň senagatçylar we telekeçiler birleşmesiniň agzasy bolan «Ýigit»  hojalyk jemgyýeti, ýurdumyzda gök önümleri öndürmekde, azyk bolçulygyny döretmekde, gök-bakja önümleri bilen içerki we daşarky bazarlarymyzy üpjün etmekde uly goşandyny goşýar.

Belläp geçsek, «Ýigit»  hojalyk jemgyýeti - Ahal welaýatynyň Kaka etrabynyň Şükür bagşy daýhan birleşiginiň çäginde ýerleşip, kärhana 2008-nji ýylda esaslandyryldy. Hususy kärhana ilki bada hojalyk we awtomotiw himiki serişdeleri öndürmek bilen meşgullanýardy. Kärhanada häzirki wagtda 600-den gowrak hünärmen zähmet çekýär. Kärhana, şu möwsümde 18 müň tonna pomidor hasylyny almagy meýilleşdirýärler.