Ahal welaýatynyň Kaka etrabynyň «Ýaz Meýdan» daýhan birleşigi galla tabşyrmak boýunça döwlet borçnamasyny 24,4%-den geçirip, artygy bilen ýerine ýetirdi. Birleşigiň galla öndürijileri meýilleşdirilen 1,7 müň tonna bugdaýyň ýerine 2,2 müň tonna dänäni kabul ediş nokatlaryna tabşyryp, döwlet borçnamasyny ilkinji bolup ýerine ýetirdiler.

Ýeri gelende belläp geçsek, birleşigiň çäginde jemi 900 ga ýere ekin ekildi, ondan 750 ga bugdaý tohumlaryny ekmek üçin berildi. Bu ekiniň hasylyny ormak Ahal, Lebap we Mary welaýatlarynda 2-nji iýunda badalga berildi. Balkan we Daşoguz welaýatlaryndaky bugdaý ormak kampaniýasy bir hepde soňra başlandy.