Ýurdumyzyň orta mekdepleriň okuwçy ýaşlarynyň, orta hünär we ýokary okuw mekdepleriniň talyp ýaşlarynyň talyp ýaşlarynyň, şeýle hem ýurdumyzyň ministrliklerinde we pudaklaýyn dolandyryş edaralarynda zähmet çekýän ýaşlaryň arasynda – Türkmenistanyň  Bilim ministrliginiň, Türkmenistanyň Ylymlar akademiýasynyň, Türkmenistanyň Gurluşyk we binagärlik ministrliginiň, Türkmenistanyň Magtymguly adyndaky Ýaşlar guramasynyň Merkezi geňeşiniň, Türkmenistanyň Senagatçylar we telekeçiler birleşmesiniň şeýle-de Türkmen döwlet binagärlik-gurluşyk institutynyň Tehnologiýalaryň transfer merkeziniň guramaklarynda, Türkmenistanyň Ylymlar akademiýasynyň Tehnologiýalar merkeziniň edara binasynda 2023-nji ýylyň 11-nji martynda «Berkarar döwletiň täze eýýamynyň Galkynyşy döwründe milli binagärligiň ösüşi» atly binagärlik-taslama döredijilik sergisi geçirilýär!

Döredijilik sergisi ýurdumyzyň ýaşlaryny döredijilige ugrukdyrmak, ýurdumyzyň ykdysadyýetiniň pudaklary üçin ylmy gözleglere ukyply, çylşyrymly meseleleri özbaşdak çözüp bilýän zehinli ýaşlary ýüze çykarmak maksady bilen geçirilýär.

Binagärlik-taslama döredijilik sergisine ýaşlar öz taýýarlan taslamalaryny erkin hödürläp biler.

«Berkarar döwletiň täze eýýamynyň Galkynyşy döwründe milli binagärligiň ösüşi» atly binagärlik-taslama döredijilik sergisiniň düzgünnamasyny şu ýerden görüp bilersiňiz!

Bu barada, Türkmen döwlet binagärlik-gurluşyk institutynyň resmi web sahypasynda habar berilýär.