«Halkyň Arkadagly zamanasy» ýylynda ýurdumyzyň ýokary we orta hünär okuw mekdeplerini tamamlan ýaşlaryň bir topary Kaka etrabynyň bilim bölüminiň garamagyna işe iberilip, etrapdaky bilim-terbiýeçilik ojaklarynda zähmet ýoluna başlamak mümkinçiligine eýe boldular. Ýaş hünärmenler gyzgyn garşylanyp, degişli mekdeplere we çagalar baglaryna işe ugradyldy.

Täze işe gelen ýaş hünärmenleriň 32-siniň 16-sy ýokary, şonçasy hem ýörite orta bilimlidir. Olar täze iş ýerleri bilen tanyşdyryldy hem-de «halypa-şägirtlik» ýörelgesine eýerilip, tejribeli bilim işgärlerine berkidildi. Ýaş hünärmenler täze, 2022 — 2023-nji okuw ýylynyň ilkinji günlerinden ýaş nesle döwrebap bilim-terbiýe berip başlar hem-de döwrümize mynasyp, giň dünýägaraýyşly bilimli nesliň kemala gelmegi ugrundaky tagallalara goşant goşar.

Pirmuhammet ÇARYÝEW,

Ylym we bilim işgärleriniň kärdeşler arkalaşygynyň Kaka etrap Geňeşiniň başlygy.