Ahal welaýaty
logo

Soňky täzelikler:
✦ UNIDO-nyň Global senagat sammiti öz işine başlady ✦ ✦ Kabulda Türkmenistanyň hemişelik Bitaraplygynyň 30 ýyllygy dabaraly bellenildi ✦ ✦ Türkmenistanyň Prezidenti Gazagystan Respublikasyna döwlet sapary bilen bardy ✦ ✦ Türkmen-tatar hyzmatdaşlygynyň täze ugurlary ara alnyp maslahatlaşyldy ✦ ✦ Türkmen wekiliýeti Saud Arabystan Patyşalygynda okuw saparynda boldular ✦ ✦ Bitaraplyk – daşary syýasaty alyp barmagyň esasy guraly ✦ ✦ «Balkan» köpugurly söwda merkezinde Eýran Yslam Respublikasynyň sergisi geçirildi ✦ ✦ Türkmenistan bilen Özbegistanyň arasyndaky hyzmatdaşlygyň täze tapgyry ýola goýulýar ✦ ✦ Sanly ykdysadyýet innowasiýalary durmuşa geçirmegiň esasy ugry ✦ ✦ Türkmenistan Bitaraplyk ýörelgelerine eýermek arkaly halkara hyzmatdaşlygyny güýçlendirýär ✦
Baş sahypa / Tehnologiýa /Ýakyn wagtda uçarlarda telefonda gürleşip bolar!
  05.12.2022
898
Ýakyn wagtda uçarlarda telefonda gürleşip bolar!

Ýewropa Bileleşiginiň awiakompaniýalarynyň ýolagçylary ýakyn wagtda uçarlarda hem telefon arkaly gürleşip, jaň edip, SMS ýazyşyp bilerler. Bu barada Ýewropa Bileleşigi uçarlary aragatnaşyk bilen üpjün etmek boýunça karar kabul etdi. Şoňa görä-de indi uçaryň ýolagçylary uçuş wagtynda 5G tehnologiýasy bilen internetden peýdalanyp, telefon arkaly gürleşip, jaň edip, SMS ýazyşyp bilerler.

Bu, bolsa ýolagçylaryň indi telefonlaryny uçar režimine goýmaklygyň zerur däldigini aňladýar. Ýöne kararyň nähili durmuşa geçiriljekdigi barada jikme-jiklik maglumat ýok. Uçarlary aragatnaşyk we internet bilen üpjün etmegiň iň soňky möhleti 2023-nji ýylyň 30-njy iýuny bolar. Hünärmenler uçarlarda innowasion hyzmatlary hödürlemegiň Ýewropa kompaniýalarynyň ösmegine kömek etjekdigini belleýärler.

Mälim bolşy ýaly mundan ozal hem Ýewropa Bileleşigi 2008-nji ýyldan bäri uçarlara belli bir ýygylyk zolaklaryny hödürleýär we käbir hyzmatlar üçin uçarda internete girmäge mümkinçilik berýär. Şeýle-de bolsa, bu hyzmat gaty pesdi, munuň üçin emeli hemra arkaly uçar bilen ýeriň arasynda adamlary birleşdirmek üçin ýörite enjamlar gerekdi.

Täze taslama durmuşa geçirilende uçarlarda ykjam we akylly enjamlaryň üsti bilen 100 Mbit/s-dan ýokary bolan internete baglanyp, has ýokary göçürip alyş tizliginden peýdalanyp, telefon arkaly gürleşip, jaň edip, SMS ýazyşyp bolar. Ýöne alymlar häzirki wagtda, 5G ýygylyklarynyň uçuşlara päsgel berip biljekdigi we hatda beýikligiň nädogry okalmagyna sebäp bolup biljekdigi barada aladalanýarlar.  

 

Miraga GUSEÝNOW,

Türkmenistanyň Telekommunikasiýalar we 
informatika institutynyň Maglumat 
tehnologiýalary we programmirleme
fakultetiniň talyby.