Kaka etrap häkimliginiň, Türkmenistanyň Demokratik partiýasynyň etrap komitetiniň, Türkmenistanyň Agrar partiýasynyň etrap komitetiniň, Türkmenistanyň Kärdeşler arkalaşyklarynyň etrap birleşmesiniň, Türkmenistanyň Magtymguly adyndaky Ýaşlar guramasynyň etrap Geňeşiniň wekilleri etrabyň ýaşaýjylary — uruş weterany Ata Tutlykowyň, mukaddes öý-ojaklarynda bolup, olary baýramçylyk mynasybetli gutladylar hem-de gymmat bahaly sowgatlary gowşurdylar.

       Kaka şäherinde ýaşaýan, agtyk-çowluklaryna, ýuwluklaryna  guwanyp, berkarar Watanymyzyň ösüşlerine buýsanýan bu mährem enäniň kalby şatlykdan doludygyna onuň döwletli ojagynda bolanymyzda buýsanç bilen göz ýetirdik. Ol etrap häkimliginiň, etrabyň jemgyýetçilik guramalarynyň wekilleriniň ýygy-ýygydan gelip, hal-ýagdaýy bilen gyzyklanmagy gymmat bahaly sowgatlary gowşurmagy barada buýsanjyny goşalandyrýandygyny ene ýüreginden syzdyryp aýtdy. Şeýle buýsançly sözleri Gozgan obasynyň ýaşaýjysy 96 ýaşy arka atan, urşuň gazaply söweşlerine gatnaşan Ata Tutlykowyň dilinden hem eşitmek ýakymly boldy.