Berkarar döwletiň täze döwrany,

Ösüşleriň, rowaçlyklaň rowany,

Arkadagyň dowamaty dowamy,

Arkadagly Gahryman Serdarymyz,

Ömrüň uzak bolsun, Howandarymyz!

Ajaýyp döwrümiz - täze bir ösüş,

Ondan gözbaş alýar täsin özgeriş,

Watana söýgüňiz - belent gol geriş,

Arkadagly Gahryman Serdarymyz,

Uzak ýaşaň beýik Howandarymyz!

Sanly galkynyşyň "emeli aňy",

Döwrebap ösüşleň bolar ak daňy,

Siziň paýhaňyz dünýäniň ýaňy,

Arkadagly Gahryman Serdarymyz,

Ömrüň uzak bolsun, Howandarymyz!

Peder ýoly bilen dowam gülleýiş,

Täzeçillik bilen ylmy gözleýiş,

Il-ulus kalbyna sena sözleýiş,

Arkadagly Gahryman Serdarymyz,

Uzak ýaşaň beýik Howandarymyz!

Bagta sary Arkadagyň ak aty,

Bedew bady ösüşleriň zynaty,

Täze Galkynyşyň, döwrüň ganaty,

Arkadagly Gahryman Serdarymyz,

Ömrüň uzak bolsun Howandarymyz!

Milli Lidermiziň ýürek-buýsanjy,

Berkarar döwletiň, halkyň guwanjy,

Mukaddes Watanyň, ýurduň daýanjy,

Arkadagly Gahryman Serdarymyz,

Uzak ýaşaň beýik Howandarymyz!

Toýly Jänädow,
Mary welaýatynyň Mary etrabynyň Ruhubelent geňeşliginiň ýaşaýjysy.